انا روحت انضم في مره لقله مندسه

انا روحت انضم في مره لقله مندسه
بالتهميش و الظلم عمرها ما كانت حسا
لقيت خلق كتير تقول مصر بناسها
بتاع يجي مليون و بيزيدوا لسه
اه يا عيني علي القله اه يا ليلي علي المندسه
...فتشوني و انا داخل بايادي خارجيه
ايادي متلطخه بالفول و الطعميه
قولت في نفسي اكيد دي عجينه دوليه
لمحت بنت بعيد ماشيه بيافطه في الميدان
يا تري مكتوب بالفارسي و لا مترجمه في لبنان
اكيد مكتوب عليها الحلوه دي من طهران
و لا هلاقي في ايديها الوان علم ايران
قربت عليها لاقيتها مصريه و كاتبه احنا ليه بنتهان